Published Date: Wednesday, 10 July 2024, 18:43
ڕۆژا دووشەمبی ڕێــککـــەڤتی ٨-٧-٢٠٢٤ ب چاڤدێری و ئامادەبوونا وەزیرێ خواندنا بلند و ڤەکۆلینێن زانستی بەرێز (د. ئارام محمد قادر) و هژمارەکا سەرۆک زانکۆیێن حکومی و تایبەت وشیرەتکارێن وەزیری و ڕێڤەبەرێن گشتی و ڕێڤەبەرێن سەنتەرێن پێداگۆجی، ڕێوڕەسمێن دەرچوونا خۆلا سییێ یا ڕاهێنانێن پێداگۆجی بڕێڤەچوو.
ئەڤ خۆلە ژلایێ وەزارەتا خواندنا بلند و ب هەماهەنگی لگەل زانکۆیا (HAMK)ـیا فينلەندى، بۆ دەمێ شەش هەیڤان يا بەردەوامبوو و باشترین ڕێکێن سەردەم یێن وانەگوتنێ هاتبوون بەرهەڤکرن و هاتنە گوتن و نیشاندان، د خۆلێدا (٤١) مامۆستا ژ زانکۆیێن هەرێما کوردستانێ خۆل بدوماهیک ئینان و باوەرنامەیا ناڤدەولەتی ژ زانکۆیا ناڤبرى وەرگرتن.
هەژیە بێژین؛ دو مامۆستایێن زانکۆیا زاخۆ بەڕێزان (م. ڤیان سلیم حاجی) و (م. نسرین جلال حسن) پشکداری د ئەڤێ خۆلێدا کربوون و شیان ب سەرکەڤتیانە بدوماهیک بینن و ببنە خودان باوەرنامەیا ناڤدەولەتی یا ڕاهێنەرییا پێداگۆجی.
بناڤێ زانکۆیا زاخۆ و ڕێڤەبەرا سەنتەرێ پيداگۆجى پیرۆزباهی و دەستخۆشیێ ل هەردۆک مامۆستایێن زانکۆیا خۆ دکەین و هیڤیا سەرکەڤتنێ د بوارێ وان دا بۆ دخوازین، ب هیڤیا بشێن خزمەتا زانکۆیا خۆ بکەن.
Developed By ICT & Statistics Center-UoZ
